جبتها عل الجرح وكنك ما دريت
وأنت قاصـد ما هي عني بصدفة
والدليــل انك تبسمت ومشيت
وأنا أنــادي لك ولا يمـــي التفت

من عرفتك وأنت تجرح ما كتفيت
دنيتي وهي دنيتي مني اكتفت
اقوى صدمـة مــن يدينك خذيت
وهـــذي صدماتي الجديد شرفت

إنصدمت بوقتها كني إنعميـت
كل قطرة دم بعروقي إنشفــــت
وإنهدم قــــدام عيني ما بنيت
والضنــون الطيبة بلحـظ اختفت

هذا حظي من على الدنيا وعيت
كــل مضوي شمعة بدربـي طفت
مـــع جميع الناس يا ربي وفيت
ليه بس اللي معي دمعي وفــى