غربه مشاعر .. طفولتها ؟؟؟ تعنيني
هي كيف لا راهقت الله يصبرني
أشعلتها للغياب / .... وباقيه فيني
ناديتها للحضور وجت تخالجني
لازلت أصارخ بداخل ليلتي ويني ؟
وأضيع عني وصدفه أقترب مني !
لقيتني عكس ممشى شارع سنيني
للماضي اللي خذآني / ليت يتركني
وأرسم فضائات شعري بيني وبيني
ياشعري اللي بديتك وأنت مِتْعني
مدري تشاعيب حزني كيف تحييني
وتبثني للفرح .. بأحساس يحضني
إنسان منفي وطيني يشبه لـطيني
مع صوت فيروز متغرب ولكني :
أن ماعزفت القصايد .. لو تعنيني
شقيت صدر الدفاتر .. لو تعاندني
كتبتني في شطور الهم وأحكيني
نزفتني للمدى يـالقافيه .. غني
أرخيت مسرى القلم أبغاه يعفيني
لكن حبرهـ/ طلب منه / يغافلني
هي نكهة الصبح تمسي في شراييني
أو لعنه الليل تصبح / شاربه بني
ماعدت أميز من اللي صار يعنيني
غيّاب روحي أو جروحي / وأغآلطني
الله يرحم .. زمانٍ أعترى ليني
طفلٍ صغيّر مع رجوله .. تكتفني !
عيني تباكى إلا من شفتها عيني
ومرايتي .. جابت الصوره تشآبهني
يانزعه الشوق ليه الشوق مضنيني
ياملتقى الجرح ليه الجرح .. عذبني
مايكفي أن الغياب ألحين يكويني
في غرفه الهم .. مثل هْدوم علقني
غربه مشاعر طفولتها تعنيني
لا راهقت .. من يربيها ويصبرني

.
.